„Þetta hefur allt saman áhrif á hugsunarhátt minn“: Hjátrú og venjur afreksíþróttafólks

Í þessari ritgerð er fjallað um hjátrú og þær venjur sem íslenskt afreksíþróttafólk hefur tileinkað sér. Ritgerðin varpar ljósi á margskonar venjur og sérvisku hjá íþróttafólki sem hafa skapast í kringum íþróttina þeirra og fjallar fyrri hluti ritgerðarinnar um hjátrú og venjur íslensks afreksíþróttafólks. Í síðari hluta ritgerðarinnar verður fjallað um hjátrú og venjur sem má finna hjá íþróttafólki frá Afríku, Argentínu og Hollandi. Staðreyndir, kenningar og skoðanir viðmælenda um hjátrú tengt íþróttum þeirra fléttast saman við greiningu gagna sem aflað var með þrem hálfopnum viðtölum við tvo viðmælendur. Nýst var við viðtöl sem tekin voru árið 2020 við bæði fyrrum og núverandi knattspyrnumenn og einnig viðtal sem tekið var við annan viðmælandann þremur árum síðar. Viðmælendurnir tveir þekkja íþróttaheiminn vel af eigin reynslu. Tekið var viðtal við sama viðmælandann með þriggja ára millibili og tilgangur seinna viðtalsins var að komast að því hvort einhverjar breytingar hefðu átt sér stað á venjum og hjátrú viðkomandi tengda íþróttinni hans. Í ritgerðinni verður gert grein fyrir mikilvægi á þeim venjum og hjátrú þeirri sem skapast meðal afreksíþróttafólks, hvort sem það er á þeim degi sem keppt er í greininni eða þegar viðkomandi fer á æfingu